ԱՄՆ-ն կրճատելու է Ռուսաստանին սահմանակից եվրոպական բանակների ռազմական օգնության ծրագրերը

ԱՄՆ-ն կրճատելու է Ռուսաստանին սահմանակից եվրոպական բանակների համար նախատեսված ռազմական օգնության ծրագրերը։ Այս մասին հայտնում է Financial Times-ը։

Հրապարակման համաձայն՝ Պենտագոնի ներկայացուցիչները անցյալ շաբաթ եվրոպացի դիվանագետներին հայտնել են, որ ԱՄՆ-ն այլևս չի ֆինանսավորի Արևելյան Եվրոպայի երկրների զինված ուժերի վերապատրաստման և զինման ծրագրերը, որոնք Ռուսաստանի հետ հակամարտության դեպքում կլինեն առաջնագծում։

Սենատորների օգնականների գնահատականների համաձայն՝ կրճատումները կարող են ազդել այն ծրագրի վրա, որը 2018-2022 թվականներին Եվրոպա է ուղարկել 1.6 միլիարդ դոլար։ Հիմնական ստացողներն են Էստոնիան, Լատվիան և Լիտվան։

Միևնույն ժամանակ, մեկ այլ ծրագիր՝ «Արտաքին ռազմական ֆինանսավորում», որը թույլ է տալիս երկրներին գնել խոշոր զենքեր (ինքնաթիռներ, նավեր, տանկեր), չի ենթարկվում կրճատումների։