Դեպի Հայաստան բնական գազի մատակարարումը վերսկսվել է

Վերսկսվել է դեպի Հայաստան բնական գազի մատակարարումը։ Տեղեկությունը հայտնում է «Գազպրոմ Արմենիա» ընկերությունը:

«Գազամատակարարումը վերսկսվել է ժամը 06։00-ից»,– ասված է հաղորդագրությունում։

Հիշեցնենք` մատակարարումը երեկվանից դադարեցվել էր Վրաստանի տարածքում, «Կարմիր Կամուրջ-Սևքար-Բերդ» (DN 1000) տարանցիկ մայրուղային գազատարի վրա վթարավերականգնողական աշխատանքներ իրականացնելու պատճառով։