Եվրոպայի 10 երկիր զորք կուղարկի Ուկրաինա

Եվրոպայի 10 երկիր պատրաստ է պատերազմի ավարտից հետո զորք ուղարկել Ուկրաինա: Այս մասին հայտնում է Bloomberg-ը:

Ինչպես գրում է գործակալությունը՝ հղում անելով իր աղբյուրներին, դա կարող է տեղի ունենալ անվտանգության երաշխիքների շրջանակում։

Նշվում է, որ եվրոպական առաջնորդներն ակտիվորեն օգտագործում են Թրամփի պաշտոնական աջակցությունը՝ Ուկրաինայի համար անվտանգության երաշխիքների նոր փաթեթ պատրաստելու համար:

Արդեն մոտ օրերս կհամաձայնեցվի ծրագիրը, որը նախատեսում է բրիտանական և ֆրանսիական զորքերի տեղակայումն Ուկրաինայում՝ հնարավոր խաղաղության համաձայնագրի շրջանակներում: Մոտ 10 երկիր պատրաստ է զորքեր ուղարկել Ուկրաինա:

«Այնուամենայնիվ, Ամերիկայի աջակցության բնույթը մնում է անորոշ»,- նշվում է հոդվածում: