Թրամփի և Պուտինի միջև կայացած բանակցությունները նոր լիցք են հաղորդել. Էրդողան

Թուրքիայի նախագահ Ռեջեփ Թայիփ Էրդողանը հայտարարել է, որ Ալյասկայում ԱՄՆ նախագահ Դոնալդ Թրամփի և Ռուսաստանի նախագահ Վլադիմիր Պուտինի միջև կայացած բանակցությունները նոր լիցք են հաղորդել Ռուսաստանի և Ուկրաինայի միջև պատերազմը դադարեցնելու ուղիների որոնմանը:

«Թրամփի և Պուտինի միջև Ալյասկայում կայացած բանակցությունները նոր լիցք հաղորդեցին Ռուսաստանի և Ուկրաինայի միջև պատերազմը դադարեցնելու ուղիների որոնմանը։ Մենք ողջունում ենք Ալյասկայի գագաթնաժողովը և հուսով ենք, որ այս նոր գործընթացը, որին մասնակցում է նաև Ուկրաինայի նախագահ Զելենսկին, ամուր խաղաղության հիմք կդնի»,- ասել է նա:

Էրդողանը նաև ընդգծել է, որ Թուրքիան պատրաստ է ամեն կերպ աջակցել Ուկրաինայում խաղաղության հաստատմանը: