Մանրամասներ` Թրամփ-Պուտին հանդիպումից

ԱՄՆ նախագահ Դոնալդ Թրամփն ու Ռուսաստանի նախագահ Վլադիմիր Պուտինն օդանավակայանում հանդիպման ժամանակ թարգմանիչ չեն ունեցել: Այս մասին գրել է The New York Times-ը։

Պուտինն ու Թրամփը նույն մեքենայով են հեռացել օդանավակայանից, գրում է, որ երկու գերտերությունների ղեկավարներին նույն մեքենայում տեսնելը չափազանց անսովոր էր։

Երկրի ղեկավարները Ալյասկայում գագաթնաժողովին ժամանել են երկու երկրների պատվիրակությունների մասնակցությամբ: Նախագահների միջև փակ հանդիպումը արդեն սկսվել է։

Նրանք բանակցությունների սկզբում ձեռնպահ են մնացել մամուլի համար ռեպլիկներից և չեն պատասխանել լրատվամիջոցների հարցերին:

Հանդիպումը սկսվել է նեղ կազմով, և պատվիրակությունների անդամները ավելի ուշ կմիանան առաջնորդներին:

Թրամփի և Պուտինի միջև նախատեսված անձնական հանդիպումը վերածվել է «երեք-երեք» ձևաչափով հանդիպման:

Ամերիկյան կողմից հանդիպմանը մասնակցել են պետքարտուղար Մարկո Ռուբիոն և հատուկ բանագնաց Սթիվ Ուիթքոֆը, իսկ ռուսական կողմից՝ արտգործնախարար Լավրովը և Ռուսաստանի Դաշնության նախագահի օգնական Ուշակովը: