Նրանք չեն կարող առանց մեզ Ուկրաինայի վերաբերյալ որևէ որոշում ընդունել. Զելենսկի

ԱՄՆ նախագահ Դոնալդ Թրամփը և Ռուսաստանի նախագահ Վլադիմիր Պուտինը Ալյասկայում անցկացվելիք հանդիպման ժամանակ չեն կարողանա Ուկրաինայի վերաբերյալ որևէ որոշում ընդունել։ Այս մասին հայտարարել է Ուկրաինայի նախագահ Վլադիմիր Զելենսկին։

Նրա խոսքով` Թրամփի և Պուտինի միջև բանակցությունները կարևոր են ցանկացած դեպքում։ Սակայն Ուկրաինայի մասին խոսել առանց Ուկրաինայի անհնար է, և ոչ ոք չի ընդունի նման ձևաչափ։

«Հետևաբար, ԱՄՆ նախագահի և Պուտինի միջև զրույցը, անշուշտ, կարող է կարևոր լինել նրանց երկկողմանի ուղու համար։ Բայց նրանք չեն կարող առանց մեզ Ուկրաինայի վերաբերյալ որևէ որոշում ընդունել»,- հավելել է Զելենսկին:

Ուկրաինայի նախագահը հույս է հայտնել, որ Թրամփը գիտակցում է այդ սկզբունքը։

«Մենք կպաշտպանենք մեր ճշմարտությունը, կանենք ամեն ինչ՝ այս պատերազմն ավարտելու համար։ Եվ կան բաներ, որոնք քո սրտում են, կան բաներ, որոնք քո Սահմանադրության մեջ են»,-ասելլ է նա։

ԱՄՆ նախագահ Դոնալդ Թրամփի և նրա ռուսաստանցի գործընկեր Վլադիմիր Պուտինի հանդիպումը նախատեսված է ուրբաթ՝ օգոստոսի 15-ին, Ալյասկայում։