Արդյոք կարող է Վաշինգտոնը Ուկրաինային ստիպել տարածքային զիջումներ անել․ ԱՄՆ փոխնախագահ
Միացյալ Նահանգները մտադիր է դադարեցնել պատերազմը Ուկրաինայում՝ դիտարկելով առկա առաջնագծի հիման վրա կարգավորման հնարավորությունը։ Այս մասին Fox News-ին տված հարցազրույցում հայտարարել է ԱՄՆ փոխնախագահ Ջ.Դ. Վենսը։
«Մենք դադարեցնում ենք Ուկրաինայում մարտական գործողությունների ֆինանսավորումը։ Մեր նպատակն է հասնել այս հակամարտության խաղաղ կարգավորմանը», - ընդգծել է Վենսը՝ նշելով, որ Ռուսաստանի նախագահ Վլադիմիր Պուտինի և ԱՄՆ նախագահ Դոնալդ Թրամփի միջև առաջիկա հանդիպումը կարող է «մեծ առաջընթաց» լինել ամերիկյան դիվանագիտության մեջ։
Չնայած Թրամփը վստահ չէ Պուտինի հետ հանդիպման հաջողության մեջ, նա, ըստ Վենսի, մտադիր է հնարավորություն տալ դիվանագիտությանը և փորձել գտնել փոխզիջում։
«Մենք փնտրում ենք լուծում, որը ընդունելի կլինի և՛ Ռուսաստանի, և՛ Ուկրաինայի համար։ Երկու կողմերն էլ, հավանաբար, մասամբ դժգոհ կմնան», - ասել է փոխնախագահը։
Բացի այդ, ինչպես նշել է Վենսը, Միացյալ Նահանգները աշխատում է Պուտինի և Ուկրաինայի նախագահ Վլադիմիր Զելենսկու միջև հանդիպում կազմակերպելու ուղղությամբ։
ԱՄՆ փոխնախագահը նաև ասել է, որ Թրամփը քննարկում է Չինաստանից ռուսական նավթի ներմուծման վրա մաքսատուրքեր սահմանելու հարցը։ Սակայն այս հարցի վերաբերյալ վերջնական որոշում դեռևս չի կայացվել։
