ՀՀ-ն, ԱՄՆ-ն և Ադրբեջանը համատեղ հռչակագիր ստորագրեցին
«35 տարի իրենք կռվել են ու հիմա ընկերներ են լինելու երկար ժամանակ։ Մեծագույն պատիվ է բոլորին ողջունել Սպիտակ տանը։ Երկու հրաշալի առաջնորդներին ուզում եմ ողջունել Վաշինգտոն գալու համար, որպեսզի ստորագրեն այս պատմական հռչակագիրը»,- այսօր ՀՀ վարչապետ Նիկոլ Փաշինյանի և Իլհամ Ալիևի հետ հանդիպմանը հայտարարեց ԱՄՆ նախագահ Դոնալդ Թրամփը։
Ադրբեջանի նախագահ Ալիևն էլ հայտարարեց, որ սա իսկապես պատմական նշանակության օր է։
«Այսօր մենք խաղաղություն ենք հաստատում Կովկասում։ Նախագահ Թրամփն է բերում խաղաղություն Կովկասում։ Եթե չլիներ նախագահ Թրամփը, Հայաստանն ու Ադրբեջանը կշարունակեին չդադարող բանակցութնունների մեջ լինել»։
ՀՀ վարչապետ Նիկոլ Փաշինյանն էլ ասաց, որ շնորհավորում է բոլորին․
«Մեր տարածաշրջանի երկրներին, շնորհավորում եմ աշխարհին․ սրա արդյունքում միանշանակ աշխարհն ավելի լավն է դառնալու։ Այս հաջողությունն անհնար կլիներ առանց նախագահ Թրամփի անձնական ներգրավվածության ու վճռական հանձնառության՝ մեր տարածաշրջանում խաղաղություն հաստատելու»,- ասաց նա։
Եռակողմ հանդիպման արդյունքներով՝ ՀՀ-ն, ԱՄՆ-ն և Ադրբեջանը համատեղ հռչակագիր ստորագրեցին։
