Եթե նավթի գները մի փոքր էլ իջնեն, Ռուսաստանը կդադարեցնի պատերազմը Ուկրաինայում․ Թրամփ
Եթե նավթի գները մի փոքր էլ իջնեն, Ռուսաստանը կդադարեցնի պատերազմը Ուկրաինայում, կարծում է ԱՄՆ նախագահ Դոնալդ Թրամփը։
«Եթե նավթի գինը ևս տասը դոլարով իջնի մեկ բարելի համար, նա այլընտրանք չի ունենա։ Տնտեսությունն արդեն իսկ ծանր վիճակում է», - CNBC News-ին տված հարցազրույցում ասել է Սպիտակ տան ղեկավարը։
Նա հավելել է, որ մտադիր է զգալիորեն բարձրացնել Հնդկաստանի նկատմամբ մաքսատուրքերը 24 ժամվա ընթացքում, քանի որ այն շարունակում է գնել ռուսական նավթ։
Բացի այդ, Թրամփը նաև սպառնացել է Եվրամիությանը մաքսատուրքերը բարձրացնել մինչև 35 տոկոս, եթե այն չկատարի իր պարտավորությունները ամերիկյան տնտեսության նկատմամբ։
Անցյալ շաբաթ ԱՄՆ նախագահը և Եվրահանձնաժողովի նախագահ Ուրսուլա ֆոն դեր Լեյենը առևտրային համաձայնության են եկել։ Այժմ ԵՄ-ից ԱՄՆ արտահանվող գրեթե բոլոր ապրանքները կենթարկվեն 15 տոկոս մաքսատուրքի։ Բացի այդ, ԵՄ-ն պարտավորվել է Միացյալ Նահանգներից գնել հեղուկացված բնական գազ, միջուկային վառելիք և զենք։
