Թրամփը միակ մարդն է, որից Պուտինը վախենում է. Ուկրաինայի ԱԳ նախարար
ԱՄՆ նախագահ Դոնալդ Թրամփը միակ մարդն է, որից ՌԴ նախագահ Վլադիմիր Պուտինը վախենում է: Այս մասին Yle-ին տված հարցազրույցում ասել է Ուկրաինայի արտաքին գործերի նախարար Անդրեյ Սիբիգան։
Նա նշել է, որ բոլոր երկրներն այժմ ուշադիր հետևում են, թե արդյոք ԱՄՆ նախագահը կկատարի Ռուսաստանի նկատմամբ պատժամիջոցներ և տուրքեր սահմանելու իր խոստումները, եթե Ռուսաստանը մինչև հաջորդ շաբաթվա վերջ չհամաձայնվի Ուկրաինայի հետ խաղաղության։
Միևնույն ժամանակ, նա նշել է, որ ռուս ժողովուրդը նույնպես պետք է պատասխանատվություն կրի Ուկրաինայի հետ պատերազմի համար։
Նա կարծում է, որ պատասխանատվություն պետք է կրեն նաև նրանք, ովքեր լռում են կամ աչք են փակում Մոսկվայի հանցագործությունների վրա։
