Կրկին երկրաշարժ՝ Կամչատկայում․ երկրաշարժին կհաջորդեն հետցնցումները
Կամչատկայում տեղի ունեցած 8.7 մագնիտուդով ուժեղ երկրաշարժին կհաջորդեն հետցնցումները: Հետցնցումների գործընթացը կդրսևորվի նոր իրադարձություններով առաջիկա ամիսներին, այս մասին «ՏԱՍՍ»-ին հայտնել են Ռուսաստանի գիտությունների ակադեմիայի սեյսմոլոգիայի ինստիտուտից:
«Կամչատկայի ափերի մոտ տեղի ունեցած հզոր երկրաշարժն ամենաուժեղն էր 1952 թվականից ի վեր։ Իշխանությունների տվյալներով՝ դրա ուժգնությունը հասել է 8.8 մագնիտուդի։ Կամչատկայում մտցվել է բարձր տագնապի ռեժիմ։ Առավոտյան ուժեղ երկրաշարժ է զգացվել նաև Սևերո-Կուրիլսկում, որից հետո հայտարարվել է ցունամիի սպառնալիքի մասին։ Ջրի առավելագույն ցայտքը հասել է մոտ 200 մետրի, տարածքում ապրում է 2.4 հազար մարդ, նրանց տարհանել են անվտանգ վայրեր։ Երկրաշարժը նաև ցունամի է առաջացրել Խաղաղ օվկիանոսում, որի սպառնալիքի մասին ավելի վաղ հայտարարել էին Ճապոնիայի, ԱՄՆ-ի և Ֆիլիպինների իշխանությունները։
Հետցնցումային գործընթացը շոշափելի իրադարձություններով կդրսևորի հետագա ամիսների ընթացքում», - պատմել են Ռուսաստանի գիտությունների ակադեմիայի երկրաբանության եւ սեյսմաբանության ինստիտուտում։
Երկրաշարժից հետո սեյսմոլոգները Կամչատկայում գրանցել են շուրջ 1,000 հետցնցում
