Աստղագետները հայտնաբերել են ժայռոտ մոլորակներ․ մանրամասներ՝ ձևավորման փուլերից

Աստղագետներն առաջին անգամ հայտնաբերել են ժայռոտ մոլորակների ձևավորման ամենավաղ փուլերը՝ արևանման երիտասարդ աստղի շուրջ։ Բացահայտումն արվել է HOPS-315 կոչվող դեղին գաճաճ աստղի շրջանում, որը գտնվում է մոտ 1370 լուսային տարի հեռավորության վրա և ունի ընդամենը 100,000–200,000 տարվա տարիք։ Գիտնականները դիտարկել են գազի և փոշու տաք գոտի, որտեղ ձևավորվում են ապագա մոլորակների սաղմերը։ Հետազոտությունը հրապարակվել է Nature ամսագրում։

Հետազոտության ղեկավար Մելիսա Մաք Քլյուրը նշել է, որ առաջին անգամ հնարավոր է եղել փաստել ժայռոտ մոլորակների ձևավորման իրական ընթացքը։

Չիկագոյի համալսարանի Ֆրեդ Չիեսլան ընդգծել է, որ այս բացահայտումն աստղագիտության ոլորտում սպասված էր։ Դիտարկումները կատարվել են ՆԱՍԱ-ի Ջեյմս Ուեբ տիեզերական աստղադիտակի և Եվրոպական հարավային աստղադիտարանի համատեղ դիտարկումների միջոցով։