11:00 Լուրերը մեկ տողով. ԱԺ նախագահհի ընտրություն, ռուս-ուկրաինական զարգացումներ և Ադրբեջանի միլիարդավոր ռազմական գործարքը

Անցած ժամվա լուրերը՝ հակիրճ և բովանդակային.

• Վարչապետ Նիկոլ Փաշինյանի որոշմամբ Լիլիթ Մակունցը նշանակվել է վարչապետի աշխատակազմի ղեկավար՝ ազատվելով վարչապետի գլխավոր խորհրդականի ժամանակավոր պաշտոնակատարի պաշտոնից։ 

•  Ազգային ժողովում շարունակվում է նոր խորհրդարանի ղեկավար կազմի ընտրությունը, որտեղ ԱԺ նախագահի պաշտոնի միակ թեկնածուն իշխող խմբակցության պատգամավոր Ռուբեն Ռուբինյանն է։ 

•  «Ուժեղ Հայաստան» դաշինքի պատգամավոր Ռուբեն Մխիթարյանը հայտարարել է, որ Ռուբեն Ռուբինյանը փաստացի չի լինելու ԱԺ նախագահ, իսկ «Հայաստան» դաշինքը չի մասնակցում նախագահի ընտրությանը։ 

•  Ռուսաստանի պաշտպանության նախարարությունը հայտնել է, որ Սև ծովում հարվածել է Ուկրաինայի զինված ուժերի մատակարարումների համար օգտագործվող երեք բեռնատար նավի և Նիկոլաևի նավահանգստում գտնվող ևս մեկ նավի։ 

•  Մոսկվայի Կուդրինսկի հրապարակում տեղի ունեցած պայթյունը Սերգեյ Սոբյանինը որակել է ահաբեկչություն, իսկ ռուսական աղբյուրների տվյալներով՝ թիրախը կարող էր լինել գեներալ Ալեքսանդր Չայկոն։ 

•  Իրանում մահապատժի են ենթարկվել երկու տղամարդ, որոնք մեղադրվում էին Իսրայելի «Մոսադ» հետախուզական ծառայության հետ համագործակցելու և ռազմական տվյալներ փոխանցելու մեջ։ 

•  Հունաստանում անտառային հրդեհի մարման աշխատանքների ընթացքում երկու հրշեջ ուղղաթիռների բախման հետևանքով զոհվել է երկու մարդ, իսկ դեպքի պատճառներով հետաքննություն է սկսվել։ 

•  Forbes-ի տվյալներով՝ Ադրբեջանը 4,2 միլիարդ դոլարով ձեռք է բերել 40 JF-17C Block III կործանիչ՝ իրականացնելով իր պատմության ամենախոշոր ռազմական ավիացիոն գնումը և զգալիորեն ուժեղացնելով ռազմաօդային ուժերը։