Ռուս զինծառայողին տուգանել և ազատազրկել են պարտվողական խոսակցությունների համար

Ռազմական դատարանը ռուս զինծառայողին տուգանել է 2,5 մլն ռուբլով՝ ուկրաինական բանակի վերաբերյալ դրական արձագանքի և ՌԴ ԶՈՒ գործողություններին բացասական գնահատական տալու համար: Այս մասին հայտնում է «Կոմերսանտ» պարբերականը:

Ինչպես նշվում է Սեֆերբեգ Հաջիևը պարտվողական զրույցներ է ունեցել իր ծառայակիցների հետ 2024 թվականի աշնանը։ Հաջիևը ենթակաների հետ զրույցի ընթացքում նրանց ակնհայտ կեղծ տեղեկատվություն է հայտնել իր առաջադրանքների կատարման իրական ընթացքի վերաբերյալ, ինչպես նաև ուռճացրել է հակառակորդի հաջողությունները Դոնեցկի ժողովրդական հանրապետության տարածքում:

Բացի այդ, ըստ փաստաթղթերի, նա բացասական է գնահատել Ռուսաստանի Զինված ուժերի գործողությունները՝ նշելով իր տեղեկացվածությունը ՌԴ զինված ուժերի իրական վիճակի մասին:

Մեղքն ընդունելուց հետո Հաջիևին դատապարտել են 5,5 տարվա ազատազրկման ընդհանուր ռեժիմի գաղութում։

Նրան նաև զրկել են զինվորական կոչումից և պետական մարմիններում երեք տարի պաշտոններ զբաղեցնելու իրավունքից։