Զելենսկին՝ գերիների փոխանակման մի քանի նոր փուլերի մասին
Ուկրաինայի նախագահ Վլադիմիր Զելենսկին հայտարարել է գերիների փոխանակման մի քանի նոր փուլերի մասին։
«Ստամբուլում կայացած երկրորդ հանդիպման պայմանավորվածությունների շրջանակում սպասվում են փոխանակումների մի քանի փուլեր։ Միևնույն ժամանակ շարունակում ենք այլ գործողություններ մեր քաղաքացիների՝ թե՛ զինվորականների, թե՛ քաղաքացիականների ազատման ուղղությամբ։ Այս աշխատանքը համակարգում է Ուկրաինայի ԱԽ քարտուղարը, ներգրավված են բոլոր անհրաժեշտ կառույցներն ու ուժերը»,- գրել է նա:
Հիշեցնենք՝ Զելենսկին հանձնարարել էր պատվիրակություն ձևավորել Ռուսաստանի հետ բանակցությունների համար: Նշվում է, որ պատվիրակությունը կրկին կգլխավորի Ռուստեմ Ումերովը:
