Հուսիթներն անօդաչու թռչող սարքերով հարձակվել են իսրայելական օբյեկտների վրա
Եմենի ապստամբ «Անսար Ալլաh» շարժման կողմնակիցները (հուսիթները) անօդաչու թռչող սարքերի օգնությամբ հարվածներ են հասցրել Իսրայելի հինգ օբյեկտներին, այդ թվում՝ Բեն Գուրիոն օդանավակայանի և Էյլաթ նավահանգստի ուղղությամբ: Այս մասին հայտնել է ապստամբների կողմից ձևավորված զինված ուժերի ներկայացուցիչ Յահյա Սարիան, գրում է «ՏԱՍՍ»-ը։
«Եմենի զինված ուժերի անօդաչու ավիացիայի ստորաբաժանումները եզակի ռազմական գործողություն են իրականացրել, որի ընթացքում հարձակվել են Բեն Գուրիոն օդանավակայանի վրա: Ռազմական թիրախ են դարձել Յաֆֆոյի շրջանը, Էյլաթ նավահանգիստը, Ռամոն օդանավակայանը և որոշ ռազմական օբյեկտներ», - հայտնել է զինված ուժերի ներկայացուցիչը:
«Անսար Ալլահի» շարժման ներկայացուցչի խոսքով՝ Իսրայելի վրա հարձակման ընթացքում Եմենի ապստամբները գործի են դրել հինգ անօդաչու թռչող սարք:
Նրա խոսքով՝ «գործողությունը հաջողությամբ հասել է իր նպատակակետին»։
