Լոռու մարզում 25-ամյա երիտասարդը դանակահարել է անչափահասի

Լոռու մարզի Դսեղ գյուղում 25-ամյա երիտասարդը դանակահարել է 14-ամյա պատանուն։ Այս մասին հայտնում են ՆԳՆ մամուլի ծառայությունից։

«Պարզվել է, որ 14-ամյա պատանին իրենց գյուղի սրճարանի մոտ վիճել է 25-ամյա համագյուղացու հետ, որն էլ վեճը հանգուցալուծել է իր մոտ եղած դանակով»,-նշված է հաղորդագրությունում։

Պատանին տեղափոխվել է «Վանաձոր» բժշկական կենտրոն կրծքավանդակի կտրած-ծակած վերքով։

25-ամյա երիտասարդը ձերբակալվել ու տեղափախվել է Թումանյանի բաժին, որտեղ խոստովանել է արարքը: Նախաքննությամբ հանգամանքները պարզվում են: