Բաքվի և Երևանի հարաբերություններում՝ որոշակի շահագրգիռ խմբեր, խոչընդոտներ են ստեղծում

Գաղտնիք չէ, որ տարածաշրջանում կան որոշակի ուժեր և շրջանակներ, որոնք ցանկանում են խաթարել խաղաղության գործընթացը և անվստահության սերմեր ցանել կողմերի միջև: Այս մասին հայտնում է APA.az-ը՝ հղում անելով Ադրբեջանի արտաքին գործերի նախարարության պաշտոնական կայքէջին։

«Որոշակի շահագրգիռ խմբեր, թե՛ տարածաշրջանի ներսում, թե՛ միջազգային մակարդակով, հետաքրքրված չեն երկարաժամկետ կայունություն ստեղծելով: Նրանք փորձում են դանդաղեցնել գործընթացը՝ օգտագործելով տարբեր գործիքներ՝ տեղեկատվական մանիպուլյացիաներ, դիվանագիտական ճնշումներ, սադրանքներ կամ ներքին անկայունություն ստեղծելու միջոցներ: Ադրբեջանի հետ մեկտեղ, Հայաստանը նույնպես լավ գիտակցում է այս ամենը, ինչպես նաև, թե որ ուժերն են ցանկանում դա անել: Այս առումով դրական  տեղաշարժ կա, քանի որ այս անգամ Երևանը, խուսափելով նման ուժերի ազդեցությունից, ցուցաբերել է ավելի իրատեսական և կառուցողական դիրքորոշում և բաց մոտեցում ունի Ադրբեջանի կողմից առաջ քաշված խաղաղության հայեցակարգի նկատմամբ:

Աբու Դաբիի ձևաչափը, ըստ էության, ցույց տվեց, որ «առանց միջնորդի անհնար է» թեզը, որը տարիներ շարունակ ներդրվել է կողմերի մեջ, ձախողվել է։ Այս ձևաչափի առավելությունն այն է, որ բանակցային գործընթացը տեղի է ունենում ավելի անկեղծ միջավայրում։ Կողմերը կարող են միմյանց փոխանցել իրենց տեսակետները բաց և թափանցիկ՝ առանց երրորդ կողմի ազդեցության։ Նման քննարկումները նաև բարձրացնում են բանակցությունների արդյունավետությունը։

Այս հանդիպումը ևս մեկ անգամ ապացուցում է, որ Բաքվի և Երևանի միջև հարաբերությունների կարգավորումը չի պահանջում երրորդ կողմերի մասնակցությունը, մասնավորապես՝ այն տերությունների, որոնք գործընթացը վերածում են իրենց սեփական աշխարհաքաղաքական շահերի գործիքի»։