Մգեցված ապակիներն արգելեցին, որ ավելի շատ վառելիքի արտանետումներ լինեն օդում․ Մարուքյան
Լուսավոր Հայաստան կուսակցության առաջնորդ Էդմոն Մարությանը գրառում է կատարել․
«Մգեցված ապակիներն արգելեցին, որ +40 աստիճան արևի տակ մեքենայում ավելի շատ օդորակիչ աշխատեցնենք և հետևաբար ավելի շատ վառելիք ծախսենք, որի արդյունքում էլ ավելի շատ վառելիքի արտանետումներ տեղի ունենան օդում, սակայն միևնույն է ուղիղ արևի տակ ակվարիումի էֆեկտով այրվում ես…»։
Նա նշել է, որ ուշադրություն է դարձրել, որ անգամ ամենաժողովրդավարական համարվող ԱՄՆ-ում մգեցված ապակիները արգելված չեն, արգելված չեն նաև ամենախիստ Չինաստանում։
«Իսկ Հայաստանում՝ Արսեն Թորոսյանի բուռն պահանջներով, կիրառվում են նման նորմեր՝ զուտ մարդկանց վնաս հասցնելու, անհարմարություն պատճառելու և նրանց ավելորդ ծախսեր պարտադրելու նպատակով, ինչի հետևանքով տուժում են մարդիկ և բնությունը»,- գրել է Մարուքյանը։
