Ռյուտեն կրկին հումորային արտահայտություններ է արել Լավրովի մասին
ՆԱՏՕ-ի գլխավոր քարտուղար Մարկ Ռյուտեն կրկին թույլ է տվել իրեն հումորային արտահայտություններ անել Ռուսաստանի արտաքին գործերի նախարարության ղեկավար Սերգեյ Լավրովի մասին: Այս մասին հաղորդում է ՌԻԱ Նովոստին:
Ռյուտեն ասել է, որ Լավրովը նախարարի պաշտոնը զբաղեցնում է «Հիսուս Քրիստոսի ծնունդից ի վեր», և այդ ժամանակվանից, «ոչ մի օգտակար բան չի ասվել»:
«Լավրովը Ռուսաստանի արտաքին գործերի նախարարն է Հիսուս Քրիստոսի ծնունդից ի վեր, և ես երբեք նրան լուրջ չեմ ընդունել: Մենք պետք է զարգացնենք պաշտպանական արդյունաբերական բազան: Բայց եթե մենք դա չանենք, ստիպված կլինենք ռուսերեն սովորել», - ասել է Ռյուտեն:
Ռյուտեն նաև կարծիք է հայտնել, որ Եվրոպան կարիք չի ունենա համընդհանուր զինվորական ծառայության ներդրման, բայց առանձին եվրոպական պետությունները կարող են ինքնուրույն նման որոշում կայացնել:
