Իրանը Թրամփին նամակ է ուղարկել, որում սպառնալիքներ են եղել
Ամերիկյան հարձակումների նախօրեին Իրանը Վաշինգտոնին սպառնացել է, որ կարող է «արթնացնել ԱՄՆ տարածքում քնած ահաբեկչական բջիջներին»: Այս մասին հայտնել է NBC-ն:
Միջուկային օբյեկտներին ամերիկյան հարվածներից մի քանի օր առաջ Իրանը Դոնալդ Թրամփին նամակ է ուղարկել, որում սպառնալիքներ են եղել:
Հաղորդագրությունը միջնորդի միջոցով փոխանցվել է ԱՄՆ նախագահին Կանադայում անցած շաբաթ կայացած գագաթնաժողովում:
Այդ հաղորդագրության մեջ ասվում էր, որ Իրանը կարող է կիբերհարձակումներ կազմակերպել ԱՄՆ ցանցերի վրա և թիրախավորել ԱՄՆ կառավարության ներկայիս և նախկին պաշտոնյաներին:
Սպիտակ տունը չի պատասխանել հեռուստաալիքի մեկնաբանություններին, ՄԱԿ-ում իրանական առաքելությունը հրաժարվել է մեկնաբանություններից:
