Վրաստանը կարող է երկար ժամանակով զրկվել ԵՄ-ին անդամակցելու հնարավորությունից. դեսպան

Վրաստանը կարող է երկար ժամանակով զրկված մնալ Եվրամիությանը անդամակցելու հնարավորությունից, ճեպազրույցի ժամանակ հայտարարել է Թբիլիսիում ԵՄ դեսպան Պավել Գերչինսկին։

«2023 թվականին Եվրամիությունը Վրաստանի առջև բացեց եվրոպական ընտանիքի դռները, և Վրաստանը դարձավ ԵՄ անդամակցության թեկնածու։ Մենք այդ պատմական պահը միասին նշեցինք։ Այսօր Վրաստանի եվրաինտեգրումը կասեցված է։ Ցավալի է, որ Վրաստանը կարող է երկար ժամանակով կորցնել Եվրամիության անդամ դառնալու իր պատմական հնարավորությունը։ Ավելին, ժողովրդավարությունը Վրաստանում վտանգված է»,- պնդել է ԵՄ դեսպանը։

Եվրոպացի դիվանագետը նշել է, որ Վրաստանի հարցը կարող է քննարկվել նաև հունիսի 23-ին ԵՄ արտաքին գործերի նախարարների հանդիպման ժամանակ: 

Հիշեցենք՝ պաշտոնական Թբիլիսիի ու Եվրամիության հարաբերությունները լարվեցին, երբ Վրաստանը իր ներքին կյանքը կանոնակարգելու համար ընդունեց «Օտարերկրյա գործակալների մասին» օրենքը, ինչը դուր չեկավ Արևմուտքին ու ԱՄՆ-ին։