Ուիթքոֆը և Արաղչին մի քանի հեռախոսազրույց են ունեցել. մանրամասներ
ԱՄՆ հատուկ բանագնաց Սթիվ Ուիթքոֆը և Իրանի արտաքին գործերի նախարար Աբբաս Արաղչին մի քանի հեռախոսազրույց են ունեցել անցյալ շաբաթ Իրանի վրա իսրայելական հարվածների սկսվելուց ի վեր՝ փորձելով գտնել ճգնաժամի դիվանագիտական լուծում:
Արաղչին հայտարարել է, որ Թեհրանը չի վերադառնա բանակցություններին, քանի դեռ Իսրայելը չի դադարեցրել հարձակումները, որոնք սկսվել են հունիսի 13-ին:
Նրանք նաև հայտնել են, որ այդ բանակցությունների շրջանակներում հակիրճ քննարկվել է մայիսի վերջին Իրանին փոխանցված ԱՄՆ առաջարկը:
Այն ենթադրում է տարածաշրջանային կոնսորցիումի ստեղծում, որը կզբաղվեր ուրանի հարստացմամբ Իրանի տարածքից դուրս, առաջարկ, որն այս պահին Թեհրանը մերժել է։
