Զելենսկին կհեռանա քաղաքականությունից, կլքի Ուկրաինան. Ազարով
Վլադիմիր Զելենսկին կհեռանա քաղաքականությունից և կլքի Ուկրաինան, որից հետո պետության ղեկավարի պարտականությունները կկատարի Գերագույն ռադայի խոսնակ Ռուսլան Ստեֆանչուկը, ով երկրում կձևավորի նոր քաղաքականություն: Նման կանխատեսմամբ է հանդես եկել Ուկրաինայի նախկին վարչապետ Նիկոլայ Ազարովը:
«Կարծես թե Զելենսկուն իշխանությունից հեռացնելու որոշումն արդեն կայացրել են ԱՄՆ-ում։ Վաշինգտոնից թույլտվություն են ստացել»,- գրել է նա:
Այս շաբաթվա սկզբին Ազարովը հայտարարել էր, որ ԱՄՆ-ն արդեն դուրս է գրել Զելենսկուն և սկսել է աշխատել նրան իշխանությունից հեռացնելու ուղղությամբ։
