Քաղաքականություն

Արամ Վարդևանյան․ «ՔՊ-ն չի հաղթել այս ընտրություններում»

«Ուժեղ Հայաստան» կուսակցության խորհրդի անդամ, փաստաբան Արամ Վարդևանյանը Սահմանադրական դատարան մտնելուց առաջ հայտարարել է, որ իր կարծիքով «Քաղաքացիական պայմանագիրը» չի հաղթել ընտրություններում։ Նա…

«Ուժեղ Հայաստան» կուսակցության խորհրդի անդամ, փաստաբան Արամ Վարդևանյանը Սահմանադրական դատարան մտնելուց առաջ հայտարարել է, որ իր կարծիքով «Քաղաքացիական պայմանագիրը» չի հաղթել ընտրություններում։


Նա նշել է, որ ստացել է արձանագրային որոշման քաղվածք՝ կապված Սեդա Սաֆարյանի մասնակցության անհնարինության հարցի քննարկման հետ, և հավելել, որ որոշ մանրամասներ կներկայացնի ՍԴ նիստի ընթացքում։


Վարդևանյանի խոսքով՝ Սահմանադրական դատարանի անկախության և անաչառության վերաբերյալ հանրային ընկալման մեջ առկա են լուրջ խնդիրներ։



«Ի վերջո, արձանագրենք մեկ հստակ փաստ, «Քաղաքացիական պայմանագիրը» չի հաղթել այս ընտրություններում»,– նշել է նա՝ անդրադառնալով ընտրությունների արդյունքներին և ընտրական գործընթացին։


Նա նաև խոսել է ընտրական գործընթացում, իր գնահատմամբ, առկա խախտումների, վարչական ռեսուրսի օգտագործման և այլ խնդիրների մասին՝ նշելով, որ այդ հարցերը պետք է գնահատի Սահմանադրական դատարանը։



Վարդևանյանը հավելել է, որ ՍԴ որոշ դատավորների նկատմամբ ունեն վերապահումներ, որոնք կներկայացվեն դատաքննության ընթացքում։



Նշենք, որ ՍԴ-ում քննվում են հունիսի 7-ի խորհրդարանական ընտրությունների արդյունքները վիճարկող դիմումները, որոնք ներկայացրել են մի շարք քաղաքական ուժեր։

Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (8073) Միջազգային (3540) ԱՄՆ (2372) Ռուսաստան (2267) Իրան (1787) Ընտրություններ (1285) Ուկրաինա (924) Երևան (821) Իսրայել (767) Ադրբեջան (680) Փաշինյան (604) Եվրոպա (530) Ազգային ժողով (506) Ընդդիմություն (484) Թրամփ (454)

Radio Aurora

Լսել Radio Aurora

Գովազդային տարածք

300x250