Սեդա Սաֆարյանը հրաժարվել է հարցերին պատասխանելուց՝ նշելով անաչառության ռիսկը

Սահմանադրական դատարանի դատավոր Սեդա Սաֆարյանը հրաժարվել է պատասխանել լրագրողների հարցերին՝ նշելով, որ գործի քննության մեկնարկից առաջ նման քննարկումները կարող են վտանգել իր անաչառությունը։

Նա նշել է․ «Գոնե նիստից առաջ եկեք չքննարկենք հարցեր, որոնք կվտանգեն իմ անաչառությունը»։

Միաժամանակ դատավոր Արտակ Զեյնալյանը նշել է, որ գործին մասնակցության հարցը արդեն կարգավորվել է Սահմանադրական դատարանի որոշմամբ։

Հիշեցնենք՝ ՍԴ-ն չի քննել «Հայաստան» դաշինքի ներկայացրած միջնորդությունը՝ նշելով, որ նման հարց կարող են բարձրացնել միայն ՍԴ դատավորները։ Ավելի վաղ դատավորների քվեարկությամբ Արտակ Զեյնալյանն ու Վլադիմիր Վարդանյանը զրկվել էին գործի քննությանը մասնակցելու հնարավորությունից, իսկ Սեդա Սաֆարյանի դեպքում համապատասխան որոշում չէր ընդունվել՝ անհրաժեշտ ձայների բացակայության պատճառով։