ՅՈՒՆԻՍԵՖ-ը 48 տոննա մարդասիրական օգնություն է ուղարկում Վենեսուելա՝ երկրաշարժից հետո

ՅՈՒՆԻՍԵՖ-ը հայտարարում է, որ 48 տոննա մարդասիրական օգնություն է ուղարկում Վենեսուելա՝ երկրաշարժից տուժած բնակչությանը աջակցելու նպատակով։

Հաղորդվում է, որ օգնության բեռը ներառում է հաշմանդամի սայլակներ, վրաններ, առաջին օգնության դեղարկղեր, ինչպես նաև ջրի մաքրման հաբեր։

«Ըստ նախնական տվյալների՝ հունիսի 29-ին Վենեսուելա կժամանի թռիչք, որը կհասցնի 48 տոննա բժշկական սարքավորումներ և ջրամատակարարման, սանիտարական ու հիգիենիկ միջոցներ՝ ՅՈՒՆԻՍԵՖ-ի գլոբալ մատակարարման կենտրոնից Կոպենհագենում»,– նշված է կազմակերպության հայտարարությունում, TACC-ի փոխանցմամբ:

ՅՈՒՆԻՍԵՖ-ը նաև հայտնում է, որ իր տեղական թիմերը արդեն աշխատում են Վենեսուելայում և ցուցաբերում են անհրաժեշտ աջակցություն երեխաներին ու ընտանիքներին։

Հիշեցնենք՝ երկրաշարժը Վենեսուելայում տեղի է ունեցել հունիսի 24-ին։ Գրանցվել են երկու ուժեղ ցնցումներ՝ 7.2 և 7.5 մագնիտուդով, որոնց հետևանքով, ըստ տվյալների, զոհվել է 235 մարդ, ավելի քան 4,3 հազար մարդ վիրավորվել է։ Վնասվել են տասնյակ շենքեր, իսկ իշխանությունները երկրում հայտարարել են արտակարգ դրություն։