Վենեսուելայում երկրաշարժերի հետևանքով զոհերի թիվը հասել է 235-ի

BBC-ի փոխանցմամբ՝ Վենեսուելան ցնցած աղետից ավելի քան մեկ օր անց փրկարարները շարունակում են որոնողական աշխատանքները փլատակներում։

Միջազգային ԶԼՄ-ների տվյալներով՝ զոհերի թիվը հասել է 235-ի, ավելի քան 4300 մարդ ստացել է տարբեր աստիճանի վնասվածքներ։

Մայրաքաղաք Կարակասում և Լա Գուայրա քաղաքում դեռ լսվում են մարդկանց օգնության կանչեր փլուզված շենքերի տակ։

Հիշեցնենք՝ առաջին 7,2 մագնիտուդով երկրաշարժին վայրկյաններ անց հաջորդել էր 7,5 մագնիտուդով նոր ցնցում, ինչի հետևանքով ավերածությունները զգալի են եղել։

Նշվում է, որ զոհերի թիվը կարող է ավելանալ։ Շատ բնակիչներ գիշերում են բաց տարածքներում՝ վախենալով վերադառնալ իրենց տները։ ԱՄՆ-ը և մի շարք երկրներ հայտարարել են օգնություն ցուցաբերելու պատրաստակամության մասին։