ԵՄ երկրները հայկական արտադրանքի արտահանման հարցերն են քննարկվել

ՀՀ արտաքին գործերի նախարարի տեղակալ Վահան Կոստանյանը հունիսի 24-ին հանդիպում է ունեցել Նիդերլանդների Թագավորության ԱԳՆ քաղաքական հարցերով գլխավոր տնօրենի տեղակալ Յուստ Ֆլամանդի հետ։

Արտաքին գործերի նախարարությունից հայտնում են, որ հանդիպման ընթացքում կողմերը քննարկել են առևտրատնտեսական սահմանափակումների պայմաններում հայկական արտադրանքը դեպի ԵՄ պետություններ արտահանելու հնարավորություններն ու համապատասխան ուղիները։ Փոխնախարարը ներկայացրել է այն գործնական աջակցության ծրագրերը, որոնք նախատեսվում է տրամադրել ծաղկաբուծության և գյուղատնտեսության ճյուղերին։ 

Բացի այդ, զրուցակիցները քննարկել են Հայաստան-Նիդերլանդներ ռազմավարական գործընկերությունը, Երևանում կայանալիք ՄԱԿ-ի Կենսաբազմազանության մասին կոնվենցիայի կողմերի 17-րդ համաժողովը, ինչպես նաև այլ հարցեր։