Ուրսուլա ֆոն դեր Լայենը պատրաստվում է այցելել Հայաստան՝ ԵՄ-ի հետ կապերը ամրապնդելու համար

Եվրոպական հանձնաժողովի նախագահ Ուրսուլա ֆոն դեր Լայենը նախատեսում է հաջորդ շաբաթ այցելել Հայաստան՝ ցույց տալու Բրյուսելի աջակցությունը վարչապետ Նիկոլ Փաշինյանի ղեկավարած կառավարության եվրոպամետ քաղաքականությանը։

Այս մասին հայտնում է POLITICO-ն՝ հղում անելով երեք աղբյուրների, որոնք ծանոթ են այցի նախապատրաստական աշխատանքներին։

Նշվում է, որ ԵՄ պատվիրակության կազմում լինելու է նաև ընդլայնման հարցերով հանձնակատար Մարթա Կոսը։ Այցը դիտարկվում է որպես քաղաքական բարձր մակարդակի աջակցություն՝ Հայաստանի արևմտյան ուղղվածության ամրապնդման համատեքստում՝ վերջին խորհրդարանական ընտրություններից հետո։

Ըստ հրապարակման՝ այցի նախնական օր է նշվում հուլիսի 1-ը, սակայն վերջնական ծրագիրը դեռ չի հաստատվել։

POLITICO-ի աղբյուրների խոսքով՝ այցը ուղերձ է, որ «Եվրոպան այստեղ է»՝ հատկապես Ռուսաստանի ազդեցության նվազման ֆոնին տարածաշրջանում։