Էնգելսի օդանավակայանի մոտակայքում գտնվող նավթաբազան հարձակման է ենթարկվել
Վաղ առավոտյան ԱԹՍ-ներով հարձակման է ենթարկվել ռուսական Էնգելս ռազմական օդանավակայանի մոտակայքում գտնվող վառելիքի բազան։ Այս մասին գրում է Unian-ը։ Հարձակում է եղել նաև Ռյազանի շրջանի Դիագիլևո ավիաբազայի և Տամբովի մարզի ավտոէլեկտրոնիկայի գործարանի վրա։
Սարատովի մարզի նահանգապետ Ռոման Բասարգինը հաստատել է Էնգելսի մոտակայքում Ուկրաինական դրոնների հարձակման հետևանքով բռնկված հրդեհի փաստը, սակայն չի հստակեցրել, թե կոնկրետ ինչն է բռնկվել:
Նշվում է, որ Էնգելսի նավթաբազայում վառելիք է պահվում ռազմավարական ռմբակոծիչների ավիաբազայի համար, որը գտնվում է նաև Էնգելսում։ Վերջին անգամ այս նավթաբազան Ուկրաինական անօդաչու սարքերի կողմից հարձակման էր ենթարկվել հունվարի սկզբին։ 
