Ուժգին երկրաշարժ` Չինաստանում
Չինաստանի հարավ-արևմուտքում գտնվող Յուննան նահանգում 5.0 մագնիտուդով երկրաշարժ է գրանցվել: Այս մասին հայտնում է Չինաստանի սեյսմոլոգիական կենտրոնի պաշտոնական կայքը:
Հաղորդվել է, որ երկրաշարժի էպիկենտրոնը գտնվել է Դալի շրջանում, իսկ օջախի խորությունը կազմել է մոտավորապես 10 կիլոմետր։
Զոհերի կամ ավերածությունների մասին դեռևս տեղեկություններ չկան։
