ՌԴ-ն գրոհել է Չեռնիգով և Օդեսա քաղաքները. կան զոհեր
Ռուսաստանը «Շահեդ» անօդաչու սարքերով գրոհել է Ուկրաինայի Չեռնիգով քաղաքը։ Այս մասին Telegram-ում հայտնել է Չեռնիգովի ռազմական վարչակազմի ղեկավար Դմիտրի Բրիժինսկին։
«Գրանցել է մասնավոր հատվածի վրա անօդաչուի հարվածելու դեպք, կան զոհեր։ Տեղեկատվությունը ճշտվում է», - գրել է նա։
Ուկրաինայի ռազմաօդային ուժերն ավելի վաղ զգուշացրել էին, որ Չեռնիգովի ուղղությամբ թռչում են անօդաչու թռչող սարքերի մի քանի խմբեր։
Նշենք, որ գիշերը ռուսական կողմն անօդաչու թռչող սարքեր են արձակել Օդեսայի վրա, կան ավերածություններ։
«Եվս մեկ գիշերային հարձակում։ Վնասվել են բնակելի շենքեր և քաղաքացիական ենթակառուցվածքներ, այրվել են մեքենաներ։ Այս պահին զոհերի մասին տեղեկություններ չկան», - նշել է նա։
