Թուրքիան կմիանա ՌԴ-Ուկրաինա ստամբուլյան բանակցություններին
Թուրքական դիվանագիտական աղբյուրից ՌԻԱ Նովոստի-ին հայտնել են, որ Թուրքիայի արտգործնախարար Հաքան Ֆիդանը ծրագրում է միանալ Ռուսաստանի և Ուկրաինայի միջև Ստամբուլի Չիրաղան պալատում կայանալիք բանակցություններին,
Հանդիպումը նախատեսված է այսօր կեսօրին, ասել է Ուկրաինայի ԱԳՆ պաշտոնական ներկայացուցիչ Գեորգի Տիխին, երբ Ուկրաինական պատվիրակությունը ժամանել է Ստամբուլ՝ մասնակցելու Ռուսաստանի հետ բանակցությունների երկրորդ փուլին։ TRT-ն ավելի վաղ հայտնել էր, որ այն կսկսվի ժամը 13:00-ին (նույն ժամանակ Մոսկվայի ժամանակով) Չիրաղան պալատում, որտեղ անվտանգության միջոցառումներն ուժեղացվել են:
Հիշեցնենք՝ Նախորդ բանակցությունները տեղի են ունեցել Դոլմաբահչե պալատում, որտեղ իր գրասենյակն է նախագահ Ռեջեփ Թայիփ Էրդողանը։
Ռուսական պատվիրակությունը Ստամբուլ է ժամանել նախօրեին՝ հունիսի 1-ի։ Կազմում են՝ նախագահի օգնական Վլադիմիր Մեդինսկին, փոխնախարար Միխայիլ Գալուզինը, Գլխավոր շտաբի հետախուզության գլխավոր վարչության պետ Իգոր Կոստյուկովը և պաշտպանության փոխնախարար Ալեքսանդր Ֆոմինը:
