Հզոր պայթյուն՝ Չինաստանի քիմիական գործարանում

Չինաստանի Շանդոնգ նահանգի Շանդոնգ Յուդաո քիմիական գործարանում խոշոր պայթյուն է տեղի ունեցել։ Այս մասին հաղորդում է Reuters-ը։

Ըստ պարբերականի՝ պայթյունը տեղի է ունեցել Վեյֆան քաղաքում գտնվող գործարանի արհեստանոցում։ Վիրավորների կամ զոհվածների մասին պաշտոնական տեղեկություններ դեռևս չեն հրապարակվել։ Փրկարարական ծառայությունները աշխատում են դեպքի վայրում։

Սոցիալական ցանցերում հայտնվել են տեսանյութեր, որոնցում երևում է գործարանի վրայով խիտ մոխրագույն ծուխ, հարևան տներում կոտրված ապակիներ և պայթյունի ձայներ։