Նա դրանից մեծ շոու է սարքում. ԱՄՆ փոխգնդապետ
Ուկրաինայի նախագահ Վլադիմիր Զելենսկիի ելույթն Անկարայում կայացած մամուլի ասուլիսում ցույց տվեց նրա կտրվածությունը իրականությունից։ Այս մասին հայտարարել է ԱՄՆ բանակի նախկին փոխգնդապետ Դանիել Դեյվիսը։
«Կարող ենք ընդունել, որ Զելենսկին ինքը կտրված է իրականությունից», - նշել է նա։
Դեյվիսը ասել է, որ Ուկրաինայի առաջնորդը Անկարայում օգտագործել է ծանոթ հակառուսական պատումներ։
«Նա դրանից մեծ շոու է սարքում», - ավելացրել է նա։
Ավելի վաղ Զելենսկին Անկարայում հայտարարել էր, որ Ռուսաստանի և Ուկրաինայի պատվիրակությունների միջև բանակցությունների մեկնարկից առաջ ուկրաինական կողմը հրաժարվում է իրավաբանորեն ճանաչել Ռուսաստանի Դաշնության նոր շրջանները որպես ռուսական։ Նա հավելել է, որ այս հարցը կքննարկվի բանակցությունների ընթացքում, և Ուկրաինան պատրաստ է դրան, սակայն իրավաբանորեն Կիևը չի ճանաչում ժամանակավորապես օկուպացված տարածքները որպես ռուսական։
