Թրամփը հավանաբար այլ որոշում կկայացնի․ դեռ մտածում է
ԱՄՆ նախագահ Դոնալդ Թրամփը հայտարարել է, որ պատրաստ է մայիսի 16-ին մեկնել Ստամբուլ՝ Ուկրաինայի հարցով բանակցություններին մասնակցելու համար, եթե դրա անհրաժեշտությունը լինի։ Այս մասին գրում է «ՏԱՍՍ»-ը:
«Կարծում եմ՝ մեզ մոտ ամեն ինչ լավ կլինի Ռուսաստանի և Ուկրաինայի հետ կապված, մտածեք՝ շաբաթական մոտ 5,000 զինվոր է մահանում: Տեսնենք, թե ինչպես կարող ենք վերջ դնել սրան։ Մտածում եմ գնալու մասին, սակայն մեր զբաղվածության պատճառով շատ դժվար է կազմակերպել այդ ամենը։ Մեր մարդիկ արդեն բանակցություններ են վարում»,- ասել է Թրամփը։
Հիշեցնենք, որ այսօր Ստամբուլում կկայանան ռուս-ուկրաինական ուղիղ բանակցությունները: Բանակցություններն անցկացվելու են Թուրքիայի նախագահի աշխատանքային գրասենյակում՝ Դոլմաբահչեում:
Բանակցությունները կանցկացվեն մամուլի համար փակ դռների հետևում։
