Ռուսական կողմը ժամանել է․ սպասում ենք լուրջ բանակցությունների․ Զախարովա

Ռուսաստանի պատվիրակությունն արդեն ժամանել է Ստամբուլ՝ Ուկրաինայի հետ բանակցություններ վարելու: Այս մասին հայտարարել է  ՌԴ Արտաքին գործերի նախարարության պաշտոնական ներկայացուցիչ Մարիա Զախարովան, գրում է «ՏԱՍՍ»-ը։

«Ինչպես արդեն բազմիցս նշվել է, ռուսական կողմը պատրաստ է լուրջ բանակցությունների: Ռուսական պատվիրակությունը ժամանել է Ստամբուլ և պատրաստ է լուրջ աշխատանքի», - ճեպազրույցի ժամանակ ասել է Զախարովան:

Նա հիշեցրել է Վլադիմիր Պուտինի խոսքերը, որ «այս բանակցությունների իմաստը հակամարտության արմատական ​​պատճառները վերացնելն է, պատմական հեռանկարում երկարաժամկետ, կայուն խաղաղության հաստատման ուղղությամբ շարժվելը»։