Մենք մեծ հույս չունենք վաղվա հետ կապված. Ռուբիո
Միացյալ Նահանգները մեծ սպասումներ չունի Ռուսաստանի և Ուկրաինայի միջև Ստամբուլում կայանալիք բանակցություններից։ Այս մասին հայտարարել է Միացյալ Նահանգների պետքարտուղար Մարկո Ռուբիոն, հաղորդում է Reuters-ը։
«Չեմ կարծում, որ մենք մեծ հույս ունենք վաղվա հետ կապված», - ասել է նա։
Ավելի վաղ Ռուբիոն հայտարարել էր, որ ԱՄՆ նախագահ Դոնալդ Թրամփը բաց է ցանկացած մեխանիզմ օգտագործելու համար, որը կհանգեցնի Ուկրաինայի հակամարտության կարգավորմանը։ Քաղաքական գործչի խոսքով՝ Սպիտակ տան ղեկավարը ցանկանում է, որ ամեն ինչ հնարավորինս արագ ավարտվի։
