Ղրիմը համարվում է ուկրաինական․ ՌԴ-ի պատվիրակության մակարդակը պարզ էր․ Զելենսկի
Էրդողանը ցույց տվեց իր հավատարմությունը Ուկրաինայի տարածքային ամբողջականության նկատմամբ։ Այս մասին հայտարարել է Ուկրաինայի նախագահ Վլադիմիր Զելենսկին Անկարայում Թուրքիայի նախագահ Ռեջեփ Թայիփ Էրդողանի հետ ունեցած հանդիպումից հետո մամուլի ասուլիսում։ Այս մասին հայտնում են թուրքական լրատվամիջոցները։
«Նա Ղրիմը համարում է ուկրաինական: Այն բանից հետո, երբ մենք տեսանք ռուսական պատվիրակության մակարդակը, հասկացանք, որ նրանք տրամադրված չեն լուրջ բանակցությունների։ Ստամբուլում բանակցություննրի հիմնական նպատակը հրադադարն է»,- ասել է Ուկրաինայի նախագահը։
Հավելենք՝ Անկարայում ավարտվել է Թուրքիայի նախագահ Ռեջեփ Թայիփ Էրդողանի և Ուկրաինայի նախագահ Վլադիմիր Զելենսկու հանդիպումը: Հաղորդվում է, որ հանդիպումը տևել է մոտ 3 ժամ:
