Չենք կարող աշխարհով մեկ վազել նրա հետևից․ Զելենսկի
Պուտինը չի հարգում Թրամփին և Էրդողանին։ Այս մասին հայտարարել է Ուկրաինայի նախագահ Վլադիմիր Զելենսկին Անկարայում Թուրքիայի նախագահ Ռեջեփ Թայիփ Էրդողանի հետ ունեցած հանդիպումից հետո մամուլի ասուլիսի ժամանակ, հայտնում են թուրքական լրատվամիջոցները։
«Եթե Պուտինը պատրաստ է հրադադարի, մենք պետք է հանդիպենք։ Մենք այստեղ ենք՝ Անկարայում, բայց նա ո՛չ այստեղ է, ո՛չ էլ Ստամբուլում։ Մենք չենք կարող աշխարհով մեկ վազվզել նրա հետևից»,- ասել է Ուկրաինայի նախագահը։
Նրա խոսքով՝ ուկրաինական պատվիրակությունն արդեն Անկարայից մեկնել է Ստամբուլ՝ Ռուսաստանի հետ բանակցություններ վարելու։ Միևնույն ժամանակ, Զելենսկին նախազգուշացրել է, որ եթե Ռուսաստանը պատերազմն ավարտելու իրական ցանկություն չցուցաբերի, Ուկրաինան կխնդրի ԱՄՆ-ին, ԵՄ-ին, որպեսզի կոշտ պատժամիջոցներ կիրառեն Ռուսաստանի դեմ։
