Ֆրանսիայի առաջնորդը զրպարտում է․ Նեթանյահուի գրասենյակի կոշտ արձագանքը
Իսրայելի վարչապետ Բենիամին Նեթանյահուի գրասենյակը քննադատել է Ֆրանսիայի նախագահ Էմանուել Մակրոնին, որը դատապարտել է Իսրայելի իշխանությունների գործողությունները Գազայի հատվածում։ Նեթանյահուի գրասենյակը պնդել է, որ Ֆրանսիայի առաջնորդը դրանով վերարտադրում է արմատական պաղեստինյան շարժման ձևակերպումները և զրպարտում հրեական պետությունը։
Նախօրեին Մակրոնը, ելույթ ունենալով TF1 հեռուստաալիքի եթերում, «խայտառակություն» է անվանել Գազայի նկատմամբ Իսրայելի և անձամբ Նեթանյահուի գործողությունները՝ ուշադրություն հրավիրելով անկլավի բնակիչների ջրի, դեղորայքի ու բժշկական օգնության հասանելիության բացակայության վրա: Ֆրանսիայի ղեկավարը կոչ է արել վերականգնել հումանիտար օգնության հասանելիությունը Գազայի բնակչության համար, ապառազմականացնել ՀԱՄԱՍ-ը, ազատ արձակել պատանդներին և սկսել պաղեստինա-իսրայելական հակամարտության երկարաժամկետ քաղաքական կարգավորման գործընթացը՝ ստեղծելով երկու՝ փոխադարձաբար միմյանց ճանաչող պետություն:
Իսրայելի վարչապետի գրասենյակից այդ կոչին պատասխանել են.
«Վարչապետ Նեթանյահուն վճռականորեն է տրամադրված հասնել Իսրայելի պատերազմի բոլոր նպատակներին՝ ազատել մեր բոլոր պատանդներին, ոչնչացնել ՀԱՄԱՍ-ի ռազմական ու վարչական ներուժը և ապահովել, որ Գազան այլևս սպառնալիք չներկայացնի Իսրայելի համար»:
