Միացյալ Նահանգների հետ ավելի վատ է վարվում, քան Չինաստանի. Թրամփ
Եվրամիությունը Միացյալ Նահանգների հետ ավելի վատ է վարվում, քան Չինաստանի հետ։ Այս մասին հայտարարել է ԱՄՆ նախագահ Դոնալդ Թրամփը՝ մեկնաբանելով Վաշինգտոնի և Բրյուսելի միջև առևտրային հարաբերությունները, փոխանցում է TASS-ը։
Թրամփը հավելել է, որ ինքը կփնտրի ԵՄ-ից էական զիջումներ։ Նրա խոսքով՝ ԱՄՆ-ն և Եվրոպան «նոր են սկսում» կապեր հաստատել առևտրի ոլորտում։
Ապրիլի 17-ին Թրամփը հայտարարել է, որ Եվրամիության հետ առևտրային համաձայնագիրը կկնքվի 90 օրվա ընթացքում։ Ամերիկացի առաջնորդը նաև նշել է, որ Միացյալ Նահանգները «չի շտապում» առևտրային համաձայնագրեր կնքել այլ երկրների հետ՝ կենտրոնանալով որակի, այլ ոչ թե արագության վրա։
