Հիշում ենք Երկրորդ համաշխարհային պատերազմի դասերը. Պուտին

Ռուսաստանի նախագահ Վլադիմիր Պուտինը ելույթ է ունեցել Հաղթանակի 80-րդ տարեդարձի առթիվ Կարմիր հրապարակում կազմակերպված ռազմական շքերթի ընթացքում։

«Մենք հավատարիմ ենք այդ պատմական ու հաղթական իրադարձությունների հիշողությանը։ Որպես հաղթանակ տարած ժողովրդի ժառանգներ՝ մայիսի 9-ը նշում ենք որպես մեր երկրի, ժողովրդի, յուրաքանչյուր ընտանիքի ու քաղաքացու համար ամենակարևոր տոներից մեկը:

Մենք հիշում ենք Երկրորդ համաշխարհային պատերազմի դասերը և երբեք չենք հաշտվի դրա իրադարձությունների խեղաթյուրման, մարդասպաններին արդարացնելու կամ իսկական հաղթողներին զրպարտելու փորձերի հետ»,- ասել է նա։

Պուտինի խոսքով` Ռուսաստանի պարտքն է պաշտպանել Կարմիր բանակի մարտիկների ու հրամանատարների պատիվը, ինչպես նաև այն մեծ սխրանքը, որն իրականացրել են տարբեր ազգությունների ներկայացուցիչներ։

«Ռուսաստանը միշտ անսասան արգելք կլինի նացիզմի դեմ և կպայքարի դրա հետևորդների վայրագությունների դեմ՝ պայքարելով այդ ագրեսիվ ու կործանարար գաղափարախոսությունների դեմ»,- հավելել է նա: