Մենք չէինք ցանկանա դա տեսնել․ Ռուբիո
ԱՄՆ-ը չի ընդլայնում ՌԴ-ի դեմ պատժամիջոցները, որպեսզի չխանգարի Ուկրաինայի հակամարտության խաղաղ գործընթացին։ Այս մասին հայտարարել է ԱՄՆ պետքարտուղար Մարկո Ռուբիոն, գրում է NBC-ն։
«Ես կարծում եմ՝ մենք դեռ հույս ունենք տեսնելու, որ այդ դիվանագիտական ջանքերը կգործեն, և մենք կարող ենք մոտեցնել այս երկու կողմերին։ Ես նկատի ունեմ, որ այն րոպեին, երբ դուք սկսում եք նման բաներ անել՝ պատժամիջոցներ սահմանել, հեռանում եք խաղաղությունից, և ձեզ կդատապարտեք ևս երկու տարվա պատերազմի։ Մենք չէինք ցանկանա դա տեսնել», - ասել է Ռուբիոն NBC հեռուստաալիքին՝ պատասխանելով այն հարցին, թե ինչու նա դեռ պատժամիջոցներ չի սահմանել ՌԴ-ի դեմ։
