Գազայում պաղեստինցիններ են սպանվել
Առնվազն 45 պաղեստինցի է սպանվել Գազայի հատվածում իսրայելական ռազմական գործողությունների հետևանքով։ Այս մասին հայտնում է Al Jazeera հեռուստաալիքը՝ հղում անելով բժշկական աղբյուրներին։
Ըստ նրանց՝ Գազայի հատվածին իսրայելական հարվածների հետևանքով զոհվել է առնվազն 45 մարդ, վիրավորվել՝ ավելի քան 100-ը։ Զոհերի թիվը շարունակում է աճել գիշերվա ընթացքում անկլավի վրա հասցված հարվածների հետևանքով, նշում է հեռուստաալիքը։
Հիշեցնենք՝ մարտի 18-ին իսրայելական բանակը վերսկսել է ռազմական գործողությունները Գազայի հատվածում՝ լայնածավալ հարվածներ հասցնելով անկլավին և դրանով իսկ ընդհատելով 2025 թվականի հունվարին հաստատված հրադադարը։
