«Հեզբոլլահ» շարժման հրամանատարը ոչնչացվել է
Իսրայելի պաշտպանության բանակը (ՑԱԽԱԼ) Լիբանանի հարավում ոչնչացրել է շիա «Հեզբոլլահ» շարժման «Մաջդալ Զուն» ռազմական համալիրի հրամանատարին: Այս մասին հայտնում է իսրայելական բանակի մամուլի ծառայությունը։
«Իսրայելի ռազմաօդային ուժերը ոչնչացրել են «Հեզբոլլահի» հրամանատարին, որը պատասխանատու է «Մաջդալ Զուն» համալիրի համար և գտնվում էր Լիբանանի հարավային Հանիա շրջանում», – ասվում է հաղորդագրության մեջ:
Հիշեցնենք՝ փետրվարին ՑԱԽԱԼ-ը ավարտեց զորքերի դուրսբերումը Հարավային Լիբանանից համաձայն զինադադարի համաձայնագրի, որը մեկ տարվա շարունակական էսկալացիայից հետո ձեռք էր բերվել Իսրայելի իշխանությունների հետ 2024 թվականի նոյեմբերին։ Ընդ որում` իսրայելական բանակը մնաց Հարավային Լիբանանի հինգ ռազմավարական դիրքերում՝ դա բացատրելով անվտանգության վերահսկողությամբ։
