ԱՄՆ-ը պատրաստ է ճանաչել Ղրիմը որպես ռուսական. Bloomberg
ԱՄՆ-ը պատրաստ է ճանաչել Ղրիմը որպես ռուսական, եթե Ուկրաինայի վերաբերյալ խաղաղ համաձայնագիր կնքվի:
Այս մասին գրում է Bloomberg-ը՝ վկայակոչելով Մոսկվայի և Կիևի միջև խաղաղ համաձայնագրի քննարկմանը տեղյակ աղբյուրներին։ Պարբերականը նշում է, որ այս զիջումը վերջին ազդանշանն է այն մասին, որ Թրամփը ձգտում է ամրապնդել հրադադարի համաձայնագրի դրույթները։ Լրատվամիջոցի աղբյուրները սակայն նշում են, որ այս հարցի վերաբերյալ վերջնական որոշում դեռ չի կայացվել։
Հիշեցնենք, որ ավելի վաղ գործակալությունը հայտնել էր, որ ԱՄՆ-ն իր դաշնակիցներին առաջարկներ է ներկայացրել հնարավոր խաղաղ համաձանագրի վերաբերյալ, որոնց թվում է Ռուսաստանի դեմ պատժամիջոցների թուլացումը՝ երկարաժամկետ հրադադարի դեպքում։ Այս դեպում որոշակի հանդարտություն կգրանցվի առաջնագծում, Ռուսաստանը կպահպանի վերահսկողությունը հակամարտության ընթացքում ձեռք բերած տարածքների վրա, իսկ Ուկրաինան կհրաժարվի ՆԱՏՕ-ին միանալու իր ծրագրերից։
