911-ի և 112-ի մի միասնական համար կգործի. ՆԳ նախարար
Հայաստանում փրկարարական ծառայության և ոստիկանության միասնական հեռախոսահամար կգործի։ Այս մասին հայտնել է ներքին գործերի նախարար Արփինե Սարգսյանը:
911 (Փրկարար ծառայություն) և 112 (Ոստիկանություն) հեռախոսահամարներից, ամենայն հավանականությամբ, կմնա վերջինը։
Սարգսյանի խոսքով՝ զանգերի կենտրոնները կմիավորվեն ոչ միայն այն պատճառով, որ երկու ծառայություններն էլ ՆԳՆ-ի կազմում են, այլև այն, որ քաղաքացիները միշտ չէ, որ կարողանում են հասկանալ, թե որ դեպքերում է ճգնաժամային իրավիճակը պահանջում ոստիկանության, իսկ որ դեպքում՝ փրկարարների միջամտությունը։ Այդ որոշումները կկայացնեն զանգերի կենտրոնի աշխատակիցները։
