Զելենսկին առաջարկել է երկարաձգել ռազմական դրությունը

Ուկրաինայի նախագահ Վոլոդիմիր Զելենսկին Գերագույն Ռադա է ներկայացրել «Ուկրաինայում ռազմական դրության ժամկետը երկարացնելու մասին» և «Ընդհանուր զորահավաքի ժամկետը երկարացնելու մասին» օրինագծերը։ Այս մասին հայտնել են տեղի ԶԼՄ-ները:

Օրինագծի համաձայն՝ Ռազմական դրությունը և զորահավաքը կերկարաձգվեն 2025 թվականի մայիսի 9-ից 90 օրով՝ մինչև օգոստոսի 6-ը։

Գերագույն Ռադան 2022 թվականի փետրվարի 24-ի առավոտյան հաստատել է ռազմական դրության և զորահավաքի մասին նախագահի հրամանագրերը՝ 30 օրով։ Դրանից հետո ժամկետները մշտապես երկարացվել են՝ սկզբում մեկ ամսով, իսկ 2022 թվականի մայիսից՝ երեք ամսով։

Նշենք՝Կիևի հետ բանակցությունների ընթացքում ԱՄՆ-ն պահանջում էր Ուկրաինայում ընտրությունների անցկացում։ Սակայն ըստ երկրի օրենսդրության՝ ռազմական դրության գործողության ժամանակ դա հնարավոր չէ անել: